Campala Medar : WARTA SUNDA CETAK, BANGKIT DEUI NEDUNAN KASONO BARAYA



Assalamu'alaikum…

Sampurasun Baraya Warta Sunda!


GEUS tilu taun, Warta Sunda papisah dina ngawartakeun warta-warta édisi cetak. Lantaran harita, pangpangna, majalah keur kaayaan ngulapes alia teu walakaya. Dalah da dikumahakeun éstuning hésé ngejat tur nguniang. Kajaba taun 2020 bulan Maret ahir, sasalad Covid-19 mahabu saantero alam dunya, kaasup di nagri urang (Indonésia). Sasalad nyerang ka manusa nu kakeunaan corona.  


Neda pidu'ana yén majalah Warta Sunda édisi cetak bakal ngajomantara deui di payuneun para pamaos. Geus nincak kana opat taunna, majalah Warta Sunda tilem, alatan kadeseh ku mekarna jaman.

Sok sanajan ayeuna serba gadget, yén dunia aya dina genggaman urang.

Tapi mun diantep kitu waé, tangtu bakal ngajamanan ku gadget. Padahal media cetak ngarupakeun bukti pisik pikeun ngaarsipkeun data ceuk istilahna mah basa legegna “No Dokumen, No History”. Éta nu jadi kayakinan keur sim kuring nu ngokolakeun majalah atawa media nu bahasa Sunda.

Disagedengeun éta, yén media Sunda nu masih kénéh aya téh bisa diitung ku jari, saperti halna media majalah “Manglé”, Sunda Midang sarta Koran Sunda Galura nu masih eksis.

Kajaba kitu, sim kuring kapeto deui ngamedalkeun majalah nu kungsi terbit ti taun 2007, édisi munggaranna bulan Agustus  September 2007, tepi ka édisi 90 bulan September 2017.

Tapi keur media citak hususna medalkeun majalah Warta Sunda, kiwari mah kagagas deui hoyong medal.

Sok sanaos, ayeuna keur mahabu media online, teu jadi pondok harepan medalkeun deui majalah Warta Sunda.

Neda Pidu'ana, nya baraya Warta Sunda, sangkan medalkeun majalah téh sing tiasa medal salawasna kalayan aya izin ti Nu Maha Kawasa mayeng tur ngajomantara majalah Warta Sunda.


Cag heula.***


Maleman 17 -an

17/08/2022

Komentar

Posting Komentar

Postingan populer dari blog ini

DIPATI UKUR

Gambar
  DIPATI UKUR Ditulis ku: Tatang Sumarsono (Staf Khusus Bidang Budaya Rektor Unpas)   S ajaba ti Siliwangi, anu mindeng disebut-sebut ku urang Sunda nyaéta Dipati Ukur. Ditarulis jadi carita dina rupa-rupa wangun jeung vérsi. Upamana waé aya anu jadi novel sakumaha nu dipigawé ku Sufyan Iskandar. Ari ku Wahyu Wibisana mah dianggit jadi naskah gending karesmén. Geus karuhan ari anu ditulisna dina wangun anu leuwih pondok mah, kayaning carpon, sajak, carita alit, atawa dangding. Dina naskah heubeul, lalakon Dipati Ukur geus mimiti ditulis ti abad ka-17 kénéh, ilaharna winangun babad. Saterusna aya deui anu ditulis winangun wawacan. Lalakon Dipati Ukur dina naskah heubeul jadi bahan ulikan Edi S. Ekadjati waktu nulis disertasi pikeun ngahontal gelar doktor di UI, taun 1979. Edi nyebutkeun, kabéhna aya 23 naskah, ditulisna dina mangsa jeung di tempat anu béda-béda.  Tina jumlah sakitu téh bisa dipasing-pasing jadi dalapan versi, nyaéta versi Galuh, Sukapura, Sumedang, Bandung...
Wilujeng maos eusi warta...

CARPON BAH UNANG : KANYAAH INDUNG TANWATESNA

Gambar
 CARPON BAH UNANG : KANYAAH INDUNG TANWATESNA “Yu urang sasarap heula Cu!" Nina ngajakan Si Entong sasarap sanggeus bérés mantuan budak kelas 2 SD éta maké saragem sakola. Am wé budak téh dahar. Teu pira ukur ceplok endog dikécapan. Luhurna dipuruluk bawang goréng, ditambahan wé ku kurupuk. Tapi Si Entong katara mani ngalimed pisan. Haté Nina ngarakacak mangsa nyawang budak nu keur segut dahar. Manéha iklas rido can kararaban sangu isuk-isuk ieu asal buah haténa seubeuh. Komo hirup sabeulah mah karasa beuratna. Tapi Nina teu aral subaha. Tékad manéhna rék ngagedékeun matapoéna ieu ku kaiklasan nepika sabubukna awak ceuk babasanna pikeun mélaan beubeulahan haténa ieu.  “Gugah bageur! Apan badé sakola," Nina ngaguyah-guyah Si Entong budak kadeudeuh hiji-hijina.  "Ahmm, tunduh kénéh atuh Bu, sakedap deui wé atuh," Si Entong némbal bari ngadon reup deui peureum.  "His ari taeun téh en-tong mah. Énggal bageur gugah! Ibu tos nyayogi-keun cai haneut kanggo ibak. Ceplo...
Wilujeng maos eusi warta...